नेपाली राजनीतिमा अब नयाँ वैकल्पिक धाराको खाँचो छ : विप्लब

काठमाडौँ – नेपाल कम्युनिस्ट पार्टीका महासचिव नेत्रविक्रम चन्द ‘विप्लव’ले नेपालको राजनीतिमा अब नयाँ वैकल्पिक धाराको खाँचो रहेको बताएका छन्।

नेपाल समाजवादी पार्टी (नयाँ शक्ति)को १० औँ स्थापना दिवसको अवसर पारेर काठमाडौँमा आयोजित कार्यक्रममा बोल्दै उहाले मुलुकको वर्तमान राजनीतिक चक्रले जनता वाक्क दिक्क भइसकेको धारणा ब्यक्त गरेका छन।

उनले नेपाली राजनीतिमा एउटा चक्र घुमिरहेको र त्यसले आगामी परिणाम के आउँछ भन्नेमा सबै नागरिक जानकार रहेको जिकिर गरे। उनले अहिलेको राज्यको नेतृत्वसँग कोही पनि आशावादी हुन नसकेको बताएका छन ।

महासचिव विप्लवले जनतालाई नेतृत्वसहित नयाँ वैकल्पिक धारा र निकास चाहिएको समेत बताएका छन ।

उनले भने, ‘अब नयाँ वैकल्पिक अवश्य चाहिन्छ। एउटा ठूलो साइकलमा हामी घुमिरहेका छौँ। त्योबाट जनता वाक्क दिक्क भइसके। एउटा साइकल चलिरहेको छ राजनीतिमा, अबको ६ महिना, एक वर्षमा के रिजल्ट आउँछ भन्ने हामीलाई राम्रोसँग थाहा छ। को मान्छे आउँछ र के हुन्छ भन्ने पनि राम्रोसँग थाहा छ।’